Ek het heeltemal te veel jasse gekoop vir Suid Afrika wat nou somer toe gaan - maar alles hier is 30-50% af omdat die seisoen sluit. Dit is regtig goedkoop, so my arme familie kry almal jasse in die SA somer. Ek het selfs 'n nuwe sak gaan koop om als in SA te kry! 15:00 is ek uit die hotel om die tog aan te durf.
Die vlug terug is alweer 'n nagmerrie. 4.5 ure van Anchorage na Seattle, 2 ure op Seattle. Hier wen ek 'n uur. 5,5 ure Seattle na Washington in 'n verskriklike vol vliegtuig, hier wen ek 3 ure. Nou sit ek op Washington - ek het 10 ure op die lughawe voor ek SA toe kan vertrek. Gelukkig kan ek in Lufthansa se business lounge sit - dis eintlik baie basies, maar ek kon darem stort. Dan wen ek my 6 ure terug SA toe. Soos ek hier sit het ek nog meer as 20 ure se reis voor.
In totaal gaan ek 10x opstyg en land ... ek dink nie ek reis ooit weer so ver so kort en oor soveel tydzones nie. Dis net te veel vir mens se sisteem.
No comments:
Post a Comment